Мæ мады мады фыд Татраты Темысо райгуырд 1913 азы. Хæст куы райдыдта, уæд ыл цыд 28 азы. Хæсты фыццаг бонты ацыд военкоматмæ æмæ йæхи ныффыссын кодта фронтмæ барвæндонæй. Хæцыди Рокоссовскийы æфсады. Сырх æфсад уæлахиз кæнын куы райдыдта немыцаг фашисттыл, уæд Америкæ æсæ Англи мах фарс фесты. Æххуыс нын кодтой техникæйæ æмæ хæцæнгарзæй. Темысойы сбадын кодтой иу америкаг машинæ “Студебеккер”-ыл. Польшæмæ куы бахæццæ сты, немыцы дæрæнгæнгæйæ, уæд уыцы машинæтæй передовоймæ ластой хæцæнгарз. Иу хатт æхсæвы куы ластой, уæд сыл немыцаг хæдтæхæг бомбæтæ æппарын райдыдта. Темысойы машинæ ccыгъд, йæ дуар гом кæнын нал куымдта. Тыххæй йæ ратыдта æмæ ратылд сыгъдæй. Куыддæр дзыхъхъы ныххауд, афтæ йæ машинæйы хæцæнгæрзтæ схæцыдысты. Куы йæ ссардтой, уæд æй аластой Польшæйы госпитæлмæ, æмæ иу суткæ фæхуыссыд мæрдтимæ, æнхъæлдтой мард у. Дыккаг бон мæрдты ласынмæ куы бацыдысты, уæд Темысо базмæлыд. Уайтагъд æй раивтой палатæмæ æмæ йæ дзæбæх кæнын райдыдтой. Хæст куы фæци, уæд нырма хуыссыди Польшæйы госпитæлы тынг тыхстæй… Темысомæ уыд йæм бирæ хæрзиуджытæ.